Erisilda Abedini (22 vjeç) është vajza në foto, e cila humbi jetën së bashku me Sikela Përrojin (23 vjeçe) dhe drejtuesin e mjetit tip “Audi” Klevis Ruçaj në aksidentin e rëndë që ndodhi pasditen e djeshme në rrethrrotullimin pranë qendrës tregtare TEG, në Tiranë.
20-vjeçari po lëvizte me shpejtësi mbi 200 km/h, teksa nga zona e Farkës vinte përgjatë “Unazës së Madhe” në drejtim të rrethrrotullimit, ku kaloi tej për tej barrierave mbrojtëse dhe “fluturoi” mbi mjetin “Honda” të familjes Kurti që lëvizte në drejtim të Elbasanit.
Aksidenti u regjistrua rreth orës 17:40 minuta dhe ekspertët kanë konfirmuar se mjeti tip “Audi” me targa “AB008 MJ” po udhëtonte me shpejtësi mbi limitet e lejuara.
