Për ditën e sotme, vendi ynë do të ndikohet nga depërtimi dhe kalimi i masave ajrore të ftohta dhe të lagështa me origjinë veriperëndimore, sipas Shërbimit Meteorologjik Ushtarak.
Moti parashikohet me vranësira mesatare dhe të dendura të cilat në pjesën e parë të ditës në zonën e veriperëndimit do të shoqërohen me reshje shiu me intensitet mesatar dhe hera-herës të lartë.
Përgjatë ultësirës perëndimore priten rrebeshe shiu si edhe stuhi të forta ere, kryesisht në vijen bregdetare. Parashikohet që edhe pasditja të vijojë me rrebeshe shiu si edhe mini-stuhi të forta ere në zonat e hapura bregdetare. Ne majat e maleve priten reshje të izoluara dëbore.
Ky destabilitet i atmosferes do të na shoqërojë edhe gjatë natës. Temperaturat e ajrit do të ulen në mëngjes, por mbeten kostante në mesditë duke u luhatur nga 3°C deri në 19°C.
Era do të fryjë mesatare dhe e fortë me shpejtësi 60 km/h nga drejtimi Jugor -Jugperëndimor kryesisht duke sjellë në brigjet detare dallgëzim 5 ballë.
Temperaturat parashikohen:
në zona malore 8 deri 17°C
në zona e ulëta 8 deri 23°C
në zona bregdetare 13 deri 23°C
