Avokati i njohur Genc Gjokutaj ka folur për vendimin e KQZ në lidhje me regjistrimin e Partisë Demokratike në zgjedhjet e 14 majit.
I ftuar në Intervista e Ditës në SYRI TV, Gjokutaj ka prekur një tjetër fakt skandaloz që ka ndodhur gjatë kësaj kohe me gjyqin e PD, ku sipas tij, ankimi në Gjykatën e Apelit ndaj vendimit të Shkallës së Parë e ka bërë Enkelejd Alibeaj që nuk njihet si kryetar nga KQZ për tu regjistruar dhe për këtë arsye komisioneri i ka dhënë dy ditë kohë për tu firmosur nga Lulzim Basha.
Gjokutaj: Të dyja kërkesat janë bashkuar në një për tu shqyrtuar. Gjëja e parë që është përballur komisioneri është legjitimimi i kërkuesit. Lulzim Basha nuk është kryetar i PD pavarësisht se formalisht figuron në gjykatë ai ka pushuar së qëni. Ai që nuk është kryetar figuron në gjykatë dhe ai që është kryetari i zgjedhur nga anëtarësia nuk figuron në gjykatë.
Ajo që mbetet është statuti i rithemelimit të Kuvendit të 11 dhjetorit.
Komisioneri është shprehur se për atë kryetar është Sali Berisha por formalisht figuron Lulzim Basha.
Këta me autorizimin e Lulzim Bashës është për tu regjistruar, ndërkohë që Luzim Basha është në proces të papërfunduar për mandatin e marrë në qershor 2021, Lulzim Basha është i shkarkuar nga Kuvendi i 11 dhjetorit 2021 dhe për të mos mjaftuar këto është edhe i dorëhequr në mars të 2022, pra ai ka pushuar së qëni kryetar i PD ndonëse autorizimi nuk të bën me tagra përfaqësimi si kryetar i partisë përveç rasteve kur këtë e vendos Këshilli Kombëtar i PD.
Në seancën e sotme, jo vetëm që kërkesa nuk është firmosur nga kryetari siç e kërkon ligji por edhe kryetari që pritet të firmosë nuk është ai që duhet të jetë sepse ai nuk ka më tagër.
Imagjinoni që ankimi në Gjykatën e Apelit ndaj vendimit të Shkallës së Parë e ka bërë Enkelejd Alibeaj që nuk njihet si kryetar nga KQZ për tu regjistruar dhe për këtë arsye komisioneri i ka dhënë dy ditë kohë për tu firmosur nga Lulzim Basha.
Me firmosjen e Lulzim Bashës mbyllet dhe kapitulli i aktit të tradhëtisë që ka bërë Lulzim Basha dhe shërbimi që do ti bëjë mazhorancës për të krijuar imazhin e kryetarit të partisë ndërkohë që ai i ka pushuar tagrat e përfaqësimit së fundmi edhe me vullnetin e tij të plotë.
Edhe brenda pretendimit të tyre këta janë kapur sot si të paligjitimuar. Ata hiqen si dy kryetar, ku njëri thotë se ndihet se jam dhe jam, thotë Enkelejd Alibeaj se thotë se e ka marrë mandatin nga Lulzim Basha dhe Lulzim Basha që ka pushuar së qëni së fundmi dhe me dorëheqjen e tij dhe problemet që thashë.
Mashtrimet dhe falsifikimet kanë një fund të tillë një fund absurd ku kemi një vit që pretendohet se është Enkelejd Alibeaj kryetar i PD dhe KQZ na konstaton se Lulzim Basha është kryetar. Ndërsa Gjykata e Apelit nuk e konstaton që Alibeaj nuk është kryetar por e legjitimon si ankues në cilësinë e kryetarit.
