Kandidati për Kryetar Bashkie në Kuçovë, Lefter Maliqi ka vijuar edhe këtë të martë takimet në kuadër të fushatës elektorale.
Maliqi ka organizuar disa dëgjesa me mbështetësit dhe është shprehur se po shkon i sigurt drejt fitores së 14 majit.
Në fjalën e tij, Maliqi është shprehur se objektiv i tij në këtë fushatë janë premtimet për të pasur arsim, kulturë, sport, shëndetësi, infrastrukturë dhe vende të shumta pune.
Sipas Maliqit, Kuçova do të jetë kantier ndërtimi.
Në një postim në FB, kandidati i opozitës shkruan:
Takime pa u ndalur në Kuçovë. Organizim, dëgjesa për programin elektoral. Të sigurt drejt fitores në “14 Maj”. Arsimi, Kultura, Sporti, Shëndetësia, Infrastruktura dhe Punësimi do të jenë parësore! Pushteti Lokal do ju kthehet qytetarëve! Bashkia Kuçovë “Kantier Ndërtimi”!
