Këngëtari shqiptar Arian Begaj është dënuar me 5 vite burg pa të drejtë apelimi nga gjykata e Apelit në Greqi.
Prothema.gr shkruan se Begaj i ka kushtuar shumë këngë bashkëatdhetarëve emigrantë që ndodhen në çdo cep të botës. Ai kishte zgjedhur të kalonte pjesën më të madhe të jetës së tij në Greqi, ku u përfshi në një rast trafiku droge, si rezultat i të cilit u arrestua.
Gjatë seanca të gjykimit Begaj pretendoi se është përdorues kokaine dhe kanabisi dhe se sasinë prej 50 gramësh që i është sekuestruar në shtëpinë e partneres së tij, e kishte blerë nga një rom, në shumën prej 2300 eurosh.
“Këto para vijnë nga puna ime. Mora një sasi të madhe sepse e gjeta me një çmim të mirë. Zakonisht blej 5-10 gram në të njëjtën kohë. Unë konsumoj më pak se një gram në ditë për shkak të punës sime. Unë jam këngëtar, tha Arian Begaj.
Këngëtari shqiptar ka pohuar se gjatë një nate në lokalet ku ai performon merr më shumë se 500 euro, ndërsa në të njëjtën kohë paguhet 800 euro në muaj nga puna e mëngjesit si banakier në një lokal.
