Kandidati i PD-së për Bashkinë e Tiranës, Belind Këlliçi, ka komentuar vendimin e Gjykatës së Apelit për vulën e PD-së.
Me anë të një reagimi në rrjetet sociale, Këlliçi ngre disa pyetje për qeverinë, ndërsa thekson se “kanë krijuar një mit të rremë se këta janë të fortë”.
“Duhet të kuptojmë vetëm kaq, sepse në 2 muaj që jam në tur, në ecje, në dëgjesë, në çdo cep e rrugicë të Tiranës, shoh një nevojë akute për ndryshim, një përkrahje të jashtëzakonshme të qytetarëve, por një frikë nga një mit i rremë që këto kanë krijuar që janë të forte”, shprehet Këlliçi.
Deputeti demokrat vijon me tej teksa shkruan se nëse këta janë të fortë, për çfarë i përdorin paratë?
“Ore nëse këta janë të fortë, për çfarë i përdorin paratë? Për çfarë e kapin gjykatën? Për çfarë po ia japin vulën dikujt që nuk përfaqëson tashmë shumicën në PD?
Aspak, as minorancën jo dhe për çfarë i bëjnë gjithë këto marifete nëse këta janë të fortë? ”, është shprehur Këlliçi.
