Kryeministri Edi Rama ka përgënjeshtruar “veten” duke u tërhequr nga paralajmërimi që bëri ditën e djeshme në Kuvend, ku la të nënkuptohet se shumë shpejt do të shpallet “Non Grata” një tjetër politikan.
Gjatë një postimi në rrjetet sociale, kreu i qeverisë thotë se nuk ka paralajmëruar asnjë “non grata” tjetër, por se thjesht ka kujtuar se politika amerikane nuk është muhabet gjize e byrek.
“Nuk kam paralajmëruar asnjë nongrata! Thjesht kam kujtuar se politika e amerikane nuk është muhabet leku, gjize dhe byreku siç e bëjnë nongratat e Tiranës, po qasje strategjike që as varet as ndryshon nga retë në pantallonat e gjelave të katundit tonë politik! Normal që vazhdon”, shkruan Rama.
