Legjendari Pele ‘iku’, por la pas shumë histori dhe një prej tyre donte ta tregonte përmes rrjeteve sociale vajza e tij, Kelly.
Në mënyrë të veçantë, duke publikuar një foto të saj, me Antonella Roccuzzo, bashkëshorten e Lionel Messit, të cilën e takoi në një pritje, ajo rrëfeu se babai i saj, pak ditë para se të ndërronte jetë, ishte lumturuar kur mësoi se Argjentina dhe Leo kishin arriti kulmin duke fituar Kupën e Botës, që ai vetë e preku tre herë në karrierën e tij, duke lënë mënjanë rivalitetin mes brazilianëve dhe argjentinasve.
“Kur Brazili u eliminua nga Kroacia, gjendja e babait tim ishte përkeqësuar shumë. Të gjithë donin që kombëtarja jonë ta fitonte këtë trofe për babin tim. Por ai e kuptonte futbollin më mirë se kushdo dhe ai gjithmonë thoshte, se donte për lojën e bukur, e cila ishte mundësia që çdo ekip të fitonte.
Pas humbjes së Brazilit, kushdo që vinte në spital e pyeste: “Po tani kë mbështet Pele? Sigurisht që jo Argjentinën!”. Por ai thoshte: “Po, Argjentinë! Kupa duhet të qëndrojë në Amerikën Latine dhe Messi e meriton,”- ka shkruar vajza e legjendës Pele.
”Ai nuk ishte në gjendje të shikonte finalen, por kur kuptoi se Argjentina dhe Messi ishin në gjendje të ngrinin kupën, ai ishte i lumtur. Rroftë futbolli”.
