Steve McKay, basisti i grupit legjendar britanik Pulp, ka ndërruar jetë në moshën 56-vjeçare.
Lajmin e ka bërë të ditur grupi i tij i cili kohët e fundit po merrej përgatitjet për turneun e këtij viti.
“Miku ynë dhe basisti i dashur Steve McKay ndërroi jetë sot. Steve ishte një fitues, në jetën e tij dhe në grup, dhe ne do të dëshironim të besojmë se ai do të kthehet në këto male për fazën tjetër të aventurës së tij”-njoftuan Pulp.
Gruaja e tij, stilistja Katie Grant, tha se Mackay vdiq pasi luftoi me forcë dhe vendosmëri gjatë qëndrimit të tij tre-mujor në spital.
Vitet e fundit Mackay ka bashkëpunuar me artistë si Arcade Fire dhe Florence + the Machine.
Mackay, i cili vjen nga Sheffield në veri të Anglisë, iu bashkua Pulp në 1989, ku u paraqit për herë të parë në albumet Separations, Different Class dhe His ‘n’ Hers, të cilat shënuan suksesin e madh të grupit me këngë të tilla si “Common People”.