Partizani dhe Tirana do të ndeshen me njëra-tjetrën në derbin e kryeqytetit, sfidë e cila u vendos që të luhet në stadiumin “Air Albania”.
Lajmin e konfirmoi dhe vetë klubi i kuq, duke reaguar në rrjetet sociale me anë të një postimi.
“Klubi zyrtarizon stadiumin ‘Air Albania’ ku do të zhvillohet takimi Partizani – Tirana i vlefshëm për javën e 24 të Kampionatit. Duke parë interesimin e madh të tifozerisë së kuqe për të qenë sa më e shumtë prezent në këtë ndeshje të rëndësishme, klubi ka vendosur që ndeshja derbi të luhet në stadiumin ‘Air Albania’”, shkruan klubi i Partizanit në postim.
