Një faull ndaj Marash Kumbullës i ka kushtuar shtrenjtë Jose Mourinho-s.
Ose më saktësisht reagimi i trajnerit portugez ndaj një ndërhyrje të gabuar ndaj mbrojtësit shqiptar të Romës.
Në ndeshjen mes Cremoneses dhe verdhekuqve, ku mbrojtësi shqiptar ishte mes titullarëve, fillimi i pjesës së dytë pa një episod shumë të veçantë që në sekondat e parë. Në një duel ajror, Tsaxhu goditi në këmbë Kumbullën, por topi shkoi jashtë dhe gjyqtari dha rivënie anësore për Cremonesen.
Murinjo kërkoi faull por nuk e mori një të tillë dhe shtoi protestat te gjyqtari i katërt i ndeshjes. Pas një shkëmbimi batutash, Murinjo reagoi shumë i nervozuar ndaj këtij të fundit, i cili sinjalizoi kryesorin e ndeshjes.
Menjëherë erdhi kartoni i kuq për trajnerin portugez, i cili u detyrua të largohej nga pankina dhe të përfundonte në tribunë për të dhënë nga atje udhëzimet për skuadrën e tij e cila po mundej në ato momente.
Cremonese-Roma u mbyll 2-1 në favor të vendasve.
