Rreth 90 nxenes të viteve të dyta në gjimnazin “Siri Shapllo” në Gjirokastër kanë bojkotuar procesin mësimor duke zhvilluar një protestë për shkak të kushteve jo të mira që ndodhen klasat. Këta të fundit kanë pohuar se dy prej klasave janë në lagështirë totale si dhe kanë kërkuar ndezjen me orë më të gjata të kaldajave pasi ato ndizen vetem dy orë në ditë.
Në ambientet e gjimnazit “Siri Shapllo” kanë mbërritur edhe përfaqësues të bashkisë Gjirokastër të cilët kanë dhënë një zgjidhje për zëvëndësimin e klasave me dy të tjera deri në momentin që të përfundojë ndërhyrja, por nxënësit nuk kanë pranuar. Ndërhyrja e fundit që u krye në këtë gjimnaz lidhur me këtë problematikë ka qenë vitin e kaluar.
Të pyetur nga “FaxNews” nxënësit kanë të gjithë të njëjtën kërkesë, përmisimin e kushteve.
“Lagështia ka avancuar nëpër klasa, kemi vetëm ngrohjet që kemi blerë vetë. Këtë vit është përkeqësuar. Jemi dhjetra nxënës, të tjerët mundohen të gjejnë ambientet e ngrohta. Kushtet janë bërë shumë të vështira, ne po e bëjmë këtë për kushte më të mira. Kaldajat ndizen deri nga ora 10:00.” tha një nga nxënëset.
