Kandidati i opozitës për Bashkinë e Himarës, Fredi Beleri i është përgjigjur akuzave të deputetit socialist, Taulant Balla lidhur me masakrën e Peshkëpisë.
Në një intervistë për Euronews Albania, Beleri u shpreh se Balla shpif dhe se për këtë do ta padisë.
“Sa për zotin Balla, siç thashë edhe te deklarata ime, është një shpifës profesionist. Ka një vendim gjykate të dënuar për shpifje, por të mërkurën do të depozitoj padinë time kundër Taulant Ballës. Është një shpifje e cila bëhet me qëllim për të më baltosur dhe për të më bërë dëm politik. Drejtësia shqiptare, këtë çështje e ka hetuar 3 herë.
Herën e fundit në 2019 dhe është mbyllur përfundimisht. SPAK-u e mbylli këtë çështje, sepse personat në hetim, një nga ata edhe unë, nuk kanë idhje me çështjen penale. Në Greqi, nuk jam akuzuar, hetuar dhe dënuar kurrë për atë çështje”, theksoi ai.
