Pavarësisht se prej 7 vitesh në letër është memorandum, vijon masakra e prerjes së pyjeve në vendin tonë.
Që të presësh dru në pyll dhe të lëvizësh i pa shqetësuar në akse kombëtare duhet të korruptosh policët madje të kesh edhe lidhje të forta deri tek eksponentët më të lartë të Partisë Socialiste.
Në një kohë kur çmimi i druve është dyfishuar dhe ka arritur në 75 mijë lekë të vjetra/metri kub, janë të shumtë tregtarët që shkelin ligjin dhe vijojnë prerjen e pyjeve në mënyrë të paligjshme.
Së fundmi në redaksinë e “Boldnews.al” ka mbërritur një video-denoncuese ku siç mund ta shihni kamioni i ngarkuar plot e përplot me dru lëviz i pa shqetësuar në aksin kombëtar Librazhd-Elbasan.
Sipas dëshmitarëve, “prerjen e druve në këtë zonë e bëjnë “bandat” që kanë lidhje me Partinë Socialiste ose paguajnë ryshfet te “taksidarët” e Edi Ramës”. Shikoni më poshtë pamjet skandaloze të publikuara nga “Boldnews.al”
