Një ngjarje e turpshme është regjistruar në futbollin italian. Presidenti i Ternanës, Stefano Bandecchi ka shpërthyer keq ndaj tifozëve pas humbjes shtëpiake ndaj Cittadellas së Elhan Kastratit.
Trajneri Andreazzoli dha dorëheqjen pas humbjes, ndërkohë që kreu i klubit u konfliktua me disa tifozë. Ndaj tyre nuk i kurseu ofendimet dhe pështymat!
Kaos në klubin e Serie B, ndërkohë që Bandecchi tha këto fjalë pas sherrit me tifozët. “Përpara së gjithash, edhe unë jam njeri si gjithë të tjerët.
Nëse më pështyjnë, unë jo vetëm që reagoj. Por do të kisha dhuruar disa goditje nëse nuk do të ishin barrierat e stadiumit.
Tani po shkoj në shtëpi, kush guxon le të më dalë përpara”, u shpreh i zemëruar presidenti i klubit italian.
