Presidenti Joe Biden nisi të martën takimin e tij dypalësh me presidentin polak Andrzej Duda me synimin për të riafirmuar fuqinë e aleancës së Shteteve të Bashkuara me vendet evropiane.
“Unë do të argumentoja se NATO është më e fortë se sa ka qenë ndonjëherë,” tha Biden gjatë fjalimeve në fillim të takimit në Varshavë.
Presidenti e quajti gjithashtu aleancën e Shteteve të Bashkuara me Evropën aleancën e vetme më të rëndësishme në histori. Komentet e Biden vijnë një ditë pas vizitës së tij të papritur në Kiev të Ukrainës, ku ai u takua me presidentin ukrainas Volodymyr Zelenskyy përpara përvjetorit të një viti të nisjes së luftës nga Rusia në vend. Takimi dypalësh zhvillohet vetëm disa orë pasi presidenti rus Vladimir Putin pezulloi pjesëmarrjen e Moskës në traktatin e fundit të mbetur të armëve bërthamore midis Rusisë dhe Shteteve të Bashkuara. Biden të martën theksoi mbështetjen e vazhdueshme të Shteteve të Bashkuara për Ukrainën dhe falënderoi Poloninë për mirëpritjen e miliona ukrainasve në vend.
