Kreu i grupit parlamentar të Partisë Socialiste, Taulant Balla ka paralajmëruar të tjera sanksione ndaj deputetëve të opozitës me pretendimin se seancën e fundit plenare bllokuan foltoren e Kuvendit.
Gjatë një deklarate për mediat nga Kryesia e Kuvendit, Balla theksoi se rregullat janë bërë për tu zbatuar edhe nga opozita e cila pretendon se i është mohuar e drejta e fjalës për shkak të minutazhit të ulët në Parlament.
“Deputetët që kanë bllokuar foltoren e Kuvendit për disa orë dhe në këtë kontekst sekretariati do të mblidhet të paktën 7 deputetë, për këta deputetë në fjalë dhe 2 të tjerë bllokues i jemi drejtuar Sekretariatit, për marrjen e masave disiplnore se mendoj si kryetar grupi parlamentar, rregullat janë bërë për tu zbatuar nga të gjithë. Kur një deputet bllokon, marrjen e fjalës nga të tjerët, masa parashikohet nga drejtuesi i seancës dhe sekretariati merret me masën.
Sekretariati mund të dyfishoje dhe besoj se nuk është koha për ta kaluar në ndryshim të masave. Edhe gjoja Alibia se nuk po zhvillohet mocioni me debat. Shpresoj që më 23 të kemi një seancë normale. Sa i takon vendimarrjeve të Grupeve Parlamentare, unë kam bërë një paraqitje të vlerësimeve të mbarëvajtjeve të seancës, përsëri seanca e fundit ishte një seanca ku cdo deputet pati mundësinë të fliste, dhe po ashtu akti që shumica jonë parlamentare , tregoi se kishte te gjitha votat në mbështetje të kryetares së Kuvendit”, tha Balla.
Kujtojmë që opozita për gat 3 javë ka kërkuar që kryeministri Edi Rama të jetë i pranishëm në seancat e Kuvendit dhe të japë “llogari” për implikimin e tij në aferën “McGonigal”.
Pas një beteje të gjatë, mazhoranca socialiste ka pranuar kërkesën e opozitës për të zhvilluar më 2 mars mocion me debat me kryeministrin Edi Rama dhe përfshirjen e tij në këtë skandal korruptiv për të asgjësuar opozitën shqiptare.
