Dy shqiptarë janë arrestuar në portin e Nieuëdorp, në Holandë, pasi dyshohet se kishin hyrë në zonë për të vjedhur përmes një vrime të hapur në gardhin rrethues.
Autoritetet holandeze i kanë kapur dy shqiptarët pak pas mesnate, teksa ishin njoftuar se dy hajdutë janë pikasur në zonën e portit.
Pas lajmërimit zona është rrethuar me efektivë dhe qenë policie. Në port është arrestuar i pari një 46-vjeçar, ndërsa më pas një nga qentë e trajnuar ka gjetur një tjetër shqiptar, 40 vjeç.
Të dy shqiptarët janë dërguar në rajon dhe aty është zbuluar se 40-vjeçari rezultonte se ishte shpallur në kërkim ndërkombëtar dhe se i ishte ndaluar hyrja në Evropë.
