Katër persona që udhëtonin me një automjet ku u gjetën maska dhe fishekë i kanë ikur mbrëmjen së premtes policisë që kishte ngritur patrullën në një fshat të Klosit.
Sipas BalkanWeb, drejtuesit i automjetit nuk i është bindur urdhrit të policisë që ishte stacionuar pranë Urës së fshatit “Fshat” në Klos, aty ku fillon edhe rruga e Arbrit.
Patrulla ka pikasur një mjet me xhama të zinj që vinte nga Tirana dhe i ka kërkuar të ndalojë, por personat në makinë nuk janë bindur.
Teksa janë larguar në një distancë jo shumë larg patrullës ata kanë braktisur automjetin dhe janë larguar në drejtim të paditur.
Gjatë kontrollit të ushtruar në mjet janë gjetur kapuçë të zinj në formë maske dhe disa fishekë luftarakë, ndërsa prokuroria e Matit ka nisur hetimet.
