Një i ri shqiptar që prej mëse dy vitesh rezultonte i shpallur në kërkim nga drejtësia britanike, pasi akuzohet si pjesëmarrës në sulmin që i shkaktoi vdekjen anglezit Tomasz Waga, kur ai dhe grupi i tij tentuan të grabisnin një fermë kanabisi, është arrestuar.
Mediat në Uells raportojnë se 31-vjeçari Artan Palluci u arrestua në zonën e Londrës javën e kaluar dhe u dërgua nga policia në Cardiff për t’u marrë në pyetje.
Palluci është i akuzuar për pjesëmarrje në aktivitetet kriminale të një grupi të krimit të organizuar dhe shkelje të kushteve të lirimit me kusht.
#UPDATE l A man wanted in connection with the death of Tomasz Waga in #Penylan #Cardiff has been charged with participating in criminal activities of an organised crime group.
Artan Palluci was arrested in #London last week & is remanded in custody.https://t.co/NxTIKNQYdC
1/2 pic.twitter.com/P6aYrjepEr
— South Wales Police Cardiff (@SWPCardiff) February 14, 2023
Ai u paraqit në Gjykatën e Magjistraturës së Cardiff-it të premten, më 10 shkurt dhe po mbahet në paraburgim për një seancë të mëtejshme në Gjykatën e Kurorës të premten, më 3 mars.
Në fillim të këtij viti, tre shqiptarë u njohën me dënimet përkatese dhe u burgosën si pjesë e këtij hetimi në vazhdim.
Josif Nushi dhe Mihal Dhana morën burgim të përjetshëm për vrasje, ndërsa Hysland Aliaj u dënua me 10 vjet për vrasje nga pakujdesia.
Të tre u shpallën fajtorë pas një gjyqi në Gjykatën e Newport, ndërsa familja e Tomasz është përditësuar në lidhje me zhvillimet më të fundit rreth çështjes që përfshin babain e ndjerë të një fëmije.
Sakaq, një person i pestë, shqiptari Elidon Elezi vazhdon të jetë në kërkim për të njëjtën çështje. 22-vjeçari shqiptar me adresën e fundit të njohur në East Finchley, Londër, kërkohet me dyshimin për vrasje.
