Trajneri i Romës, Jose Mourinho është shprehur i zhgënjyer për mediat pas humbjes 1-0 në Europa League ndaj Salzburg.
“Ne e dominuam lojën, gjithmonë e kishim kontrollin e lojës. Ishte një ndeshje e qetë për Rui Patricio, ne humbëm raste të pabesueshme. Ka një penallti të pastër për ne në pjesën e parë, nuk patëm fat në ndryshimin e arbitrit. Pësimi i golave në minutën e fundit është i padrejtë, por nuk mund të bëjmë asgjë” – Tha ai.
Për sa i përket sfidës, goli i vetëm do të vinte në minutën e 88’-të, ku pas një krosimi të bukur nga këmbët Stahinja Pavlovic, argjentinasi Capaldo kërcen më lart se të tjerët në zonë, duke mposhtur kështu portierin Rui Patricio.
Kujtojmë se, sfida e radhës dhe ajo vendimtarja për të ardhmen e klubeve në këtë kompeticion do të zhvillohet më 23 shkurt, në mitikun “Stadio Olimpico” të Romës.
