Deputeti demokrat Flamur Noka iu bashkua protestës para parlamentit, pasi nuk u lejua të futet në Kuvend nga punonjësit e gardës.
Në një deklaratë nga megafoni i protestës, duke iu referuar vendimi të përjashtimit të deputetëve të opozitës nga Kuvendi, Noka tha se Rama është në panik dhe ka urrejtje genetike për fjalën e lirë dhe parlamentin.
“Rama është i pashpresë, qytetarët s’do të pranojë për kryeministër që për 9 vite resht s’ka punuar asnjë ditë për këtë vend, por ka punuar çdo orë për të luftuar PD-në, për të zhdukur opozitën. Ai është kapur në korrupsion dhe duke korruptuar ndaj s’mund të pranojnë qytetarët një km të korruptuar. Edi Rama duhet të largohet”, tha ai më tjerash.
“Ne përfaqësuesit tuaj u ndaluam për të disatën herë për t’ju përfaqësuar. Edi Rama sot dhe gjithë këto ditë ka treguar se është në panik të tmerrshme. Ai i di mëkatet e tij ndaj paniku nuk e shpëton dot. Ai mendon se duke e kthyer parlamentin në një burg ku ruhet me roje për të mos lejuar deputetët mendon se do t’ja hedhë. I ka bërë llogaritë gabim. Edi Rama është i pashpresës, qytetarët nuk mund ta pranojnë për kryeministër, MCgonigal, e ka vendin në burg edhe Rama. Shqiptarët e lirë nuk mund të pranojnë një kryeministër që nuk ka punuar për këtë vend, por për të zhdukur opozitën. Ai është kapur në korrupsion dhe shqiptarët s’mund të pranojnë një kryeministër të korruptuar”, tha Noka.
“Edi Rama ik! Në SHBA po hapen dyert e burgut, por edhe në Shqipëri do të hapen nga shoqëria e lirë”, u shpreh Noka.
