Ilir Meta paraditen e sotme ka zhvilluar një takim të rëndësishëm në selinë e Partisë së Lirisë.
Gjatë një njoftimi në rrjetet sociale, Meta ka bërë me dije se ka takuar ambasadoren e kryediplomaten greke në vendin tonë, ambasadorja Konstantina Kamitsi. Vetë Meta njoftoi për takimin dhe çfarë temash u disktuan midis tyre.
“Mirëprita në takim Ambasadoren e Greqisë në Tiranë, znj.Konstantina Kamitsi.
Shpreha në emër të Partisë së Lirisë gadishmërinë për të punuar në forcimin e bashkëpunimit të gjithanshëm midis dy vendeve tona.
E falenderova Ambasadoren për mbështetjen e Greqisë në lidhje me proceset integruese në Bashkimin Europian, si dhe parashtrova domosdoshmërinë e forcimit të demokracisë e të shtetit të së drejtës, për avancimin e rrugës europiane të Shqipërisë”, shkruan Meta.
