Me një fjali të thjeshtë dhe “alla-shqiptarçe”, deputetja e Partisë së Lirisë, Monika Kryemadhi ka ironizuar kryeministrin Edi Rama dhe frikën e tij për t’u përballur me deputetët e opozitës në Parlament të cilët prej shpërthimit të skandalit McGonigal, kanë kërkuar që të japë llogari për korruptimin e ish-zyrtarit të FBI.
“Ai zotëria nuk vjen se di që është dhjaks! Është njëshi për të mbushur brekët”, tha Kryemadhi, duke marrë tërheqjen e vëmendjes për fjalorin dhe etikën nga kryetarja e Kuvendit Lindita Nikolla.
Por deputetja e PL nuk u ndal me kaq, por u kërkoi deputetëve të PS të mos i binden urdhërave të tij.
“Mos u bëni ju jashqitja e tij”, u shpreh Kryemadhi.
Ajo e ka vazhduar edhe më ashpër qëndrimin e saj, duke kërkuar që të mos përjashtohet sërish kreu i PD, Sali Berisha, ashtu siç po kërkojnë deputetë e PS, me justifikimin se ka përdoru fjalor fyes ndaj grave.
“Edi Rama i konsideron burrat e partisë për gra. Zonja Nikolla mos u përdor në mënyrë kaq primitive. Ky kryeministër është ushtar i krimit të organizuar. Mos bëni më gafa të tjera. Se po të jetë puna ashtu zonjë më ke hequr dy herë të drejtën e fjalës. E di që jeni nën presion, nuk kemi çfarë t’i bëjmë McGonigal, do të dalin të gjitha. Ai zotëria nuk vjen se di që është dhjaks për këtë punë, i ka mbush brekët”, tha Kryemadhi.
