Numri i të vdekurve në Turqi ka arritur në 29.605, tha të dielën Qendra Turke e Koordinimit të Emergjencave SAKOM.
Bilanci i konfirmuar i vdekjeve në Siri është 4.574. Ky numër përfshin më shumë se 3,160 në pjesët e kontrolluara nga opozita të Sirisë veriperëndimore, sipas ministrisë së shëndetësisë të autoritetit qeverisës të Qeverisë së Shpëtimit.
Sakaq, numri i vdekjeve siriane përfshin gjithashtu 1.414 vdekje në pjesët e kontrolluara nga qeveria të Sirisë, sipas agjencisë shtetërore të lajmeve SANA.
Ekipet e shpëtimit në Turqi po vazhdojnë të nxjerrin të mbijetuarit nga rrënojat një javë pasi një tërmet shkatërroi juglindjen e vendit.
Mes të shpëtuarve është edhe 40-vjeçarja Sibel Kaya, e cila u nxor nga rrënojat në provincën e Gaziantep, rreth 170 orë pas tërmeteve të javës së kaluar.
Një djalë shtatë-vjeçar dhe Nafize Yilmaz 62-vjeçare u shpëtuan në Hatay pasi kaluan 163 orë nën rrënoja, tha agjencia.
Zyrtarët në Turqi thanë se janë lëshuar 113 urdhër-arreste lidhur me ndërtimin e ndërtesave që janë shembur gjatë tërmeteve të fuqishme të 6 shkurtit.
Policia turke ka arrestuar të paktën 12 persona, përfshirë edhe kontraktorë të ndërtimit.
Ndërkaq, është rritur pakënaqësia në jug të Turqisë lidhur me përpjekjet e kërkim-shpëtimit në disa vende.
