Një ngjarje e pakëndshme ka ndodhur në Peqin, aty ku Shkumbini pret Delvinën në sfidën e vlefshme për javën e 11-të të Kategorisë së Dytë të Grupit B.
Skuadra e Delvinës gjeti avantazhin në minutën e 8’ me autor të golit Mustën dhe kjo duket se solli pakënaqësi te lojtarët e Shkumbinit.
Kjo gjë bëri që të shkaktohej një sherr masiv mes lojtarëve, ku desh ndërhyrja dhe e stafeve.
Mësohet se takimi Shkumbini-Delvina është ndërprerë në minutën e 10-të për të mos vazhduar më.
I menjëhershëm ka qenë reagimi i klubit të Delvinës, që me anë të një statusi në Facebook shkruan:
Përsëri dhunë në futbollin shqiptar
Ndërpritet ndeshja ne Peqin në minutën e 8
Pas 1 goli te shënuar nga Keli Musta lojtarët e Shkumbinit duke filluar nga stoli dhe shefi klubit të tyre kanë sulmuar gjithë ekipin e Delvinës ku kanë ushtruar dhunë duke goditur me grushta dhe shqelma.
Kërkojmë masa të menjëhershme për këtë ndodhi.
