Zyrtarë të lartë në Bullgari janë shpallur “non-grata” nga Departamenti i Thesarit në Shtete e Bashkuara të Amerikës. Lajmin e jep vetë Sekretari Amerikan i Shtetit, Antony Blinken.
Në reagimin e tij në Twitter, të shpërndarë dhe nga ambasadorja në Tiranë Yuri Kim, thuhet se “subjektet e profilit të lartë” janë përfshirë në korrupsion të gjerë.
Megjithatë, deri tani nuk ka emra. Kjo lëvizje e amerikanëve vjen në koordinim me partnerët në Mbretërinë e Bashkuar. Sipas Blinken, Amerika qëndron e palëkundur në luftën kundër korrupsionit që minon institucionet demokratike.
“Ne jemi të palëkundur në luftën kundër korrupsionit sistemik, i cili minon institucionet demokratike. Departamenti i Thesarit, në koordinim me partnerët tanë në Mbretërinë e Bashkuar, sanksionuan sot disa individë dhe subjekte të profilit të lartë bullgarë për përfshirjen e tyre të gjerë në korrupsionin në Bullgari”, shkruan Sekretari Amerikan i Shtetit.
We're steadfast in the fight against systemic corruption, which undermines democratic institutions. @USTreasury, in coordination with our UK partners, sanctioned today several high-profile Bulgarian individuals & entities for their extensive involvement in corruption in Bulgaria.
— Secretary Antony Blinken (@SecBlinken) February 10, 2023
