Kryetari i grupit parlamentar të PD, Luçiano Boçi shprehet se në protestën e opozitës në 11 shkurt, do të jenë 100 mijë shqiptarë në shesh.
Në emisionin “Open”, Boçi tha se protestat kundër Edi Ramës do të jenë të vazhdueshme. Boçi tha se ka ardhur koha që opozita të mos rrijë më në zyrë, por të zbresë në shesh.
“Revolucion demokratik. Do arrihen 100 mijë sepse kemi provuar që e kemi arritur pavarësisht kundërshtimeve. Do jenë konstante protestat sepse kemi zhvilluar disa deri tani. Mbyllet çështja e skandalit me këtë? Nuk është çështje rastësore, u zbulua ajo që dihej në skandalin publik por ligjëruan zemërimin. Tani nuk ka të rijë opozita në zyrë por të rrijë në shesh. Ndryshim sistemi sepse jemi në një sistem korruptiv dhe për mendimin tim duhet ndryshuar”, u shpreh Boçi.
