Më shumë se 5200 njerëz janë konfirmuar tani të vdekur në Turqi dhe Siri. Në Turqi, deri më tani janë regjistruar 3,549 viktima, konfirmoi më herët presidenti Recep Tayyip Erdogan.
Ndërkohë në Siri dy shifra janë publikuar, një për zonat e kontrolluara nga qeveria dhe një tjetër për rajonet e kontrolluara nga opozita.
Gjithsej 812 njerëz kanë vdekur në zonat qeveritare dhe 900 kanë vdekur në zonat e kontrolluara nga rebelët.
Ndërkohë që mbi grumbujt e rrënojave vijojnë përpjekjet e grupeve të kërkim-shpëtimit më shumë se 36 orë pas goditjes së tërmetit fillestar, mediat bëjnë me dije se një politikan është gjetur gjithashtu i pajetë.
Bëhet fjalë për Yakup Tas. 63-vjeçari është një anëtar i partisë në pushtet të presidentit Rexhep Tajip Erdogan dhe u gjet mes rrënojave të shtëpisë së tij në qytetin Adiyaman, raportuan mediat shtetërore.
Agjencia “Anadolu” tha se bashkëshortja, vëllai, kunata dhe dy nipërit e tij gjithashtu kanë vdekur.
