Tërmeti i fuqishëm që preku Turqinë bëri që shumë persona të humbin jetën e shumë të tjerë të mbeten të plagosur.
Gruaja e portierit boshnjak të klubit turk, Adana Demispor, Goran Karacic ishte në Adana, ku tërmeti ka shkatërruar gjysmën e qytetit. Falë lehjes së qenit disa çaste përpara së nisjes së tërmetit, gruaja e tij u zgjua nga gjumi dhe arriti të shpëtonte.
“Ne jemi të gjithë në shok. Kaosi mbretëron në Adana, qyteti ishte gjysmë i shkatërruar. Dje ne mbërritëm në Stamboll ku duhej të luanim ndeshjen me Umraniyespor, por gjithçka u anulua, mendja nuk shkon te futbolli tani. Ishim me fat që qeni ynë filloi të lehte një minuta para se tërmeti të fillonte dhe kështu e zgjoi gruan time. Kur tërmeti nisi, mblodhi menjëherë dokumentet e rëndësishme dhe doli në rrugë. Me shumë gjasa qeni i shpëtoi jetën”, përfundoi portieri.
