Pas disa javëve me mot të ngrohtë, dimri ka ardhur tashmë në Shqipëri me të ftohtin, dëborën, ngricat dhe shirat.
Temperaturat e ulëta kanë sjellë ngrica në rrugët e qytetit të Vlorës, qytet ku vazhdon të jetë i pezulluar lundrimi për mjetet e vogla dhe anijet e peshkimit.
Lundrimi i pezulluar është edhe për tragetin Vlorë- Brindizi, ndërkohë që pritet përmirësim i motit në det rreth mesditës.
Në Llogara nuk ka dëborë, por ka ngrica për shkak të temperaturave të ulëta, ndaj kërkohet qe mjetet që lëvizin në këtë aks të jenë të pajisura me zinxhirë dhe goma dimri.
