Presidenti Bajram Begaj ka reaguar për tërmetin fatal që shkundi Turqinë dhe Sirinë këtë të hënë duke shprehur ngushëllimet për jetët e humbura.
“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme. Mendimet dhe lutjet tona të sinqerta janë me ata!”, shkruan Begaj.
Kreu i shtetit thotë se janë pranë autoriteteve turke dhe familjeve të prekura nga tërmeti, i cili kishte magnitudë 7.8 i shkallës rihter.
Forcat e kërkim shpëtimit vijojnë punë për të nxjerrë njerëz nga rrënojat e pallateve të shembura.
