Barcelona nuk njeh rivalë në La Liga ku e çon në 8 diferencën e pikëve me Realin e Madridit ndjekës pas hapit fals të rivalëve dhe triumfit të katalanasve ndaj Sevilla-s.
3-0 fitoi skuadra e Xavi-t në “Camp Nou” duke i dhënë vazhdimësi sezonit perfekt në Spanjë, tashmë edhe më pranë rikthimit te titulli kampion. Jordi Alba hapi serinë e golave në minutën e 58 ndërsa Gavi qetësoi trajnerin me një tjetër gol që u pasua edhe nga rrjeta e brazilianit Raphinha.
53 pikë, sulmi dhe mbrojtja më e mirë me vetëm 7 gola të pësuar në 20 javë kampionat, Barcelona regjistron vetëm një humbje sezonale, atë në El Clasico-n e parë të sezonit në “Santiago Bernabeu”.
