SHBA-ja verilindore dhe Kanadaja lindore po përjetojnë një fundjavë të ftohtë, me temperatura rekord dhe erëra të ftohta që krijojnë kushte të rrezikshme, por kushtet pritet të përmirësohen gradualisht duke filluar nga e diela.
Në Mount Washington, New Hampshire, temperatura e ndjerë (pra ndjesia e temperaturës në trup, e cila mund të ndryshojë nga temperatura aktuale dhe varet nga faktorë të ndryshëm, si lagështia dhe shpejtësia e erës) ra gjatë natës të premten në -78°C, njoftoi Shërbimi Kombëtar i Motit (NWS).
Maja e këtij mali është e njohur për “motin më të keq në botë”.
