Një 22-vjeçare irakiane, vendosi të linte shtëpinë dhe të ikte në Turqi, gjë e cila nuk u pranua nga i ati, që fatkeqësisht i mori jetën Timba al-Ali.
Arsyeja pse vajza donte të largohej, sipas mediave vendase, lidhet me disa denoncime të të resë për ngacmime seksuale nga vëllai.
Shtypi ndërkombëtar po flet për një “krim nderi” , duke komentuar se vrasja e vajzës së re nga duart e babait të saj ka shkaktuar zemërim në Irak, ndërsa në rrjetet sociale është tema qendrore e diskutimit.
Vajza e cila shpesh realizonte video në kanalin e saj në YouTube u vra më 31 janar në provincën jugore të Digoaniya , siç njoftoi përfaqësuesi i Ministrisë së Brendshme të Irakut, Saad Maan, në një postim në Twitter.
