Kreu i PL-së, Ilir Meta deklaron se kryeministri Rama tenton të përjashtojë veten nga skandali me McGonigal, por thekson se prokurorët në Uashington thonë të kundërtën.
Meta i referohet investigimit të gazetës amerikane “NYT”, ku prokurorët thonë se “Rama dhe agjenti i FBI kanë bashkëpunuar”. New York Times, në një artikull mbi hetimet për ish-zyrtarin e FBI, thekson se McGonigal zhvilloi një marrëdhënie me kryeministrin Rama dhe ndërmori hapa në dobi të politikanit shqiptar.
“Dje në mbrëmje kryeministri aktual pasi ka bërë çdo gjë për të bllokuar llogaridhënien e tij në Kuvend, sipas detyrimeve kushtetuese dhe parlamentare, po kështu vazhdoi të flasë dhe bëri shumë mirë duke shtuar gënjeshtrat dhe kontradiktat e tij përgjatë dinamikës së zbardhjes së këtij skandali, duke përjashtuar veten nga përgjegjësitë në këtë skandal.
Po sot, një ndër gazetat më të mëdha në botë, NYT ka bërë një shkrim të posaçëm dedikuar këtij skandali dhe sidomos përfshirjes së Shqipërisë përmes kryeministrit duke ilustruar me një foto nga ai vetë këtë artikull dhe tjetrën nga ish agjenti.
Titulli që e shikoni është i qartë “Si i shiti përtej detit shërbimet e ti agjenti i FBI thonë prokurorët e Uashingtonit”.
Sipas prokurorëve ky agjent ka zhvilluar një marrëdhënie me Ramën dhe ka ndërmarrë hapa për përfitimin e këtij politikani. Në artikull shkruhet se një person ka pohuar se McGonigal ka përdorur emailin e FBI dhe nr e zyrës për cështje të lidhura me këtë politikan.”- tha Meta.
LEXO EDHE:
Ramës i dalin “të palarat” në New York Times, si përfitoi kryeministri nga McGonigal
