Deputetja e Partisë së Lirisë, Monika Kryemadhi nga jashtë Kuvendit sulmoi ashpër kryeministrin Edi Rama për skandalin McGonigal.
Në dalje nga Kuvendi, Kryemadhi tha se ditët në vijim do të dalin në dritë fakte të reja ku ish-zyrtarit të FBI-së, i janë dhënë shuma të tjera parash.
“Është kriminale, sot seanca tregoi se këtu demokraci nuk ka por ka një diktaturë atë të injorancës në radhë të parë dhe më pas ajo politike se paratë e shqiptarëve kanë shkuar te McGonigali dhe me këto para shkuan për të paguar atë. Ai është një individ që ka përdoru në mënyrë të paligjshme simbolet amerikane për të kërcënuar jo vetëm opozitën por edhe mediat dhe bizneset. Kemi një kryetare parlament që përjashtoi Bardhin se i tha kukull, por merecenarizmi që përdor Nikolla në Parlament nuk i shërben demokracisë”, tha fillimisht Kryemadhi.
Gazetarja: A mund të delegohet interopelanca
Përgjigjet Kryemadhi: Nuk mbaj mend të delegohet interpelanca, dua të theksoj se Edi Rama projektet më madhorë si ai i Portit të Durrësit nuk i firmos vetë, firmosi Besart Kadia me Alabarin. Më vjen keq se mazhoranca edhe nëse ka pas dy fije tru tani nuk ka më dhe dua të theksoj se me vërte Edi Rama erdhi sot po nuk ka për të shpëtuar dot.
