Emigrantët e paligjshëm në Britaninë e Madhe ka kohë që mundon qeverinë konservatore e cila po përpiqet të gjejë një zgjidhje.
Kjo çështje ka një rëndësi të madhe politike, aq sa mund të ndikojë edhe në zgjdhjet e ardhshme. Kështu të paktën sipas Sekretares së Brendshme Suella Braverman e cila shprehet në një intervistë per gazetën britanike “The Telegraph” se nëse Partia Konservatore dëshiron fitoren ateherë ajo duhet të ndalojë emigranët e paligjshëm.
“Unë besoj se reputacioni im dhe reputacioni i partisë konservatore është në një linjë . Ka të bëjë me kompetencën dhe të qenurit besnik ndaj popullit britanik që na vendosi në detyrë për të zgjidhur këtë problem. Unë mendoj se ne duhet të ndalojmë anijet për të fituar zgjedhjet. Kjo është arsyeja pse kryeministri e ka bërë migrimin një nga pesë prioritetet”, tha ajo.
Sipas Bravermen, qytetarët janë të lodhur nga kjo çështje dhe ata nuk do t’i falin konservatorët nëse nuk gjejnë në kohë një zgjidhje për këtë problem.
Deklarata e sekretares britanike vjen në një kohë kur diskutimet për emigrantët shqiptarë në Britaninë e Madhe kanë qenë të nxehta.
Braverman, e cila nuk ka kursyer gjuhën e ashpër ndaj atyre që hyjnë në mënyrë ilegale, është zotuar se do të gjejë një mënyrë që të funksinojë skema e Ruandës. Si kundërpërgjigje, emigrantët shqiptarët kanë zhvilluar protesta duke u shprehur se ata janë taksapagues të rregullt dhe jo kriminelë.
