Pavarësisht se “Rilindja” e Edi Ramës ka ardhur në pushtet duke premtuar “shëndetësi falas”, sot pas 10 vitesh qeverisje jo vetëm që nuk ka asnjë shërbim falas por shqiptarët janë detyruar të vuajnë qoftë edhe për të kryer një vizitë të thjeshtë mjekësore në poliklinikën e lagjes.
Deputetja e Partisë Demokratike, Albana Vokshi ka denoncuar një abuzim që është bërë së fundmi pasi mjekut të familjes i është hequr aksesi për të parë analizat e pacientëve.
Gjatë postimit në rrjetet sociale, Vokshi bën publike shqetësimin e ngritur nga një mjek në Elbasan, ndërsa thekson se “PPP e Ramës” po rrjep xhepat e shqiptarëve të cilët paguajnë por nuk marrin as shërbimin më të thjeshtë nga mjekësia që po dështon dita-ditës.
Vokshi ka renditur një kalvar vuajtjesh që i duhet një qytetari i cili përpost problemeve shëndetësore duhet që 1 muaj të rrotullohet lart e poshtë për një procedurë që mund të merrte vetëm për një ditë.
Reagimi i plotë nga Albana Vokshi:
“Shëndetësia falas është kthyer në vuajtje e dhimbje falas për qytetarët shqiptarë.
Mjekëve të familjes në Elbasan ju hiqet aksesi nga ana e laboratorit për analizat e pacientëve.
Ky është denoncimi i një mjeku në Elbasan i cili ngren shqetësimin që laboratori (PPP e Ramës) nuk i jep më akses për analizat për pacientët e tyre. As ato më të thjeshtat.
Kështu, hapat që duhet të ndjekë tani një pacient:
– pacienti shkon në qendrën e tij shëndetësore, te mjeku i tij i familjes që e ka vizituar gjithnjë;
– Mjekut i është bllokuar aksesi te laboratori;
– mjeku jep rekomandim për te specialisti;
– pacienti duhet të lërë takim te specialisti;
– pacienti duhet të presë disa ditë për takimin me specialistin i cili porosit analizat që i duhen pacientit;
– nga specialisti, pacienti shkon në laborator ku duhet të planifikojë datën e bërjes së analizës e cila shkon mbi 10 ditë e me pas kthehet të marrë përgjigjet;
– pacienti kthehet përsëri te specialisti me përgjigjet e analizave;
– pacienti shkon përsëri te mjeku i familjes për recetën me rimbursim të ilaceve.
E ndërkohë, pacientit i kalojnë 25-30 ditë lart e poshtë për një procedurë që mund të merrte vetëm një ditë. Kjo rezulton shpesh në përkeqësim të shëndetit të tyre.
E nën betimin e Hipokratit, mjekët shpesh janë në dilemë:
– të shpëtojnë jetë e të mbrojnë shëndetin e qytetarëve
ose
– të ndjekin procedurat bllokuese e torturuese të koncesioneve korruptive.
Edi Rama dhe Manastirliu duhet të shkojnë para drejtësisë për cdo qindarkë të abuzuar në shëndetësi.
Mjekët, infermirët, pacientët i ftoj të mos heshtin! Të reagojnë! Të protestojnë për jetën dhe shëndetin!”
Denoncimi:
