Një çift shqiptar është marrë nën hetim pasi torturuan qenin e tyre në Itali.
Burri dhe gruaja u denoncuan nga një fqinj, i cili, duke i ardhur keq për ngacmimet e bëra ndaj kafshës së gjorë.
Fqinji filmoi gjithçka me smartfon dhe më pas denoncoi pronarët në zyrën e bashkisë.
Në video, burri, një 46-vjeçar me origjinë shqiptare, shihej duke ngritur duart mbi qenin dhe duke e goditur disa herë, ndërsa fqinja tha se edhe në të kaluarën kishte parë keqtrajtime të ngjashme.
Të dyshuarit kanë hedhur poshtë me forcë akuzat e ngritura ndaj tyre. Veçanërisht 46-vjeçari kishte pranuar se e kishte qortuar kafshën, por vetëm për ta edukuar dhe për ta kuptuar se nuk duhet të hante jashtëqitjet e djalit të çiftit.
Gjyqtari hetues i Gjykatës së Riminit, Vinicio Cantarini, tashmë do të duhet të vendosë për fatin e qenit. Të dyshuarit nga ana e tyre vazhdojnë të pohojnë se janë shumë të afërt me kafshën dhe se e gjithë historia është pasojë e një keqkuptimi që synojnë ta zbardhin sa më parë.
