Kim Kardashian ndez rrjetin dhe këtë radhë jo duke pozuar gjysmë e zhveshur siç bën zakonisht, por me një fanellë të Romës. Pamjet e saj me fanellën e kësaj skuadre në Los Anxhelos kanë pushtuar rrjetin, por njëkohësisht janë bërë edhe objekt talljesh.
Roma postoi me krenari foton e Kardashian me fanellën e saj të edicionit 1997-1998, në rrjete sociale, si për të treguar famën që kishte fituar klubi kryeqytetas.
😎 Mamma mia, Kim! 💛❤️#ASRoma pic.twitter.com/Fb2jh3PfGA
— AS Roma (@OfficialASRoma) January 28, 2023
Por menjëherë nga ana e “kushërinjve” lacialë ka ardhur një përgjigje tallëse. “Oh nënë, Kim çfarë na kujtove!” shkruante klubi i Lacios duke postuar në Twitter fotot e edicionit kur Roma vishte atë fanellën që mbante modelja amerikane.
Mamma mia, Kim!
Ci hai sbloccato un ricordo 🤍💙 pic.twitter.com/o3265lNmtq— S.S.Lazio (@OfficialSSLazio) January 28, 2023
Shkak është bërë fakti se në atë edicion, Lacio ka fituar të gjitha ndeshjet direkte ndaj Romës, duke dominuar plotësisht derbin e kryeqytetit.
