“Po, kam firmosur me Paris Saint Germain. Për momentin nuk mund të them asgjë më shumë. Jam duke pritur një marrëveshje mes klubeve”, ka thënë Milan Skriniar ,mbrojtësit sllovak të Interit.
Mbrojtësi sllovak është te Interi prej më shumë se 5 vitesh, por refuzoi ofertën për të rinovuar kontratën që i skadon në qershor dhe në fillim të këtij muaji zgjodhi të firmosë me gjigantët francezë të PSG-së
Ndonëse në media ishte aluduar prej kohësh një marrëveshje, më në fund ka folur edhe vetë mbrojtësi, që me këto fjalë duket se i bën presion Interit të pranojë ofertën e PSG-së dhe ta lërë të lirë që në janar.
Deri tani në zyrat zikaltër ka ardhur vetëm një ofertë prej 15 milionë eurosh për kartonin e mbrojtësit, ndërsa te Interi këmbëngulin të arkëtojnë të paktën 20, ose në të kundërt do ta mbajnë futbollistin në Milano deri në qershor.
