Ditën e sotme është zhvilluar seanca e radhës gjyqësore për dy të pandehurit për vrasjen e ish-policit Santiago Malkos. Prezente ishte edhe e ëma e Malkos.
Në seancë janë shfaqur pamjet e kamerave të sigurisë që kanë fiksuar momentin e vrasjes së tij, ndërkohë edhe pamjet që tregojnë lëvizjet e dy të pandehurve në zonë para dhe pas ekzekutimit të Malkos.
Në lidhje me këtë ngjarje pak kohë më parë u dënua me 25 vite burg Blendi Teta ndërkohë ka nisur gjykimi në mungesë edhe për Leonard dhe Erlis Dukën, pjesë e grupit që dyshohet se organizoi atentatin ndaj ish-policit.
Santiago Malko njihej edhe si person i afërt me të shumëkërkuarin Ervis Martinaj, i cili rezulton i zhdukur që prej muajit gusht të vitit të kaluar.
