‘TikTok’ po u shërben grupeve kriminele për të promovuar kalimin e emigrantëve nga kanali i La Manshit drejt Britanisë.
“The Sun” ka publikuar një tjetër artikull për emigrantët shqiptarë dhe promovimin që ata bëjnë në TikTok. Gjatë janarit janë postuar shumë video reklamuese në këtë rrjet, ku shfaqën persona që kalojnë drejt Britanisë. Vetëm ditën e dielën kanë mbërritur 10 varka me 442 persona.
Sekretarja e Kulturës, Michelle Donelan deklaroi se legjislacioni i ri do të ndalonte reklamat për kalimet e paligjshme të emigrantëve në faqet e internetit.
Më pas, në një reklamë të shpërndarë në TikTok shkruhej në formë talljeje pas deklaratës së Donelan: “Ata kthejnë 50 ne do të ikim 500“.
“Na kontaktoni për nisjen e radhës”, thuhej në një video. Ndërsa në një tjetër thuhej: “Askush nuk do të na kthejë.”
Deputeti i Workington, Mark Jenkinson tha: “Këto reklama të sëmura që vërshojnë në TikTok sjellin një kuptim krejtësisht të ri për kalimet gjatë janarit“.
