Me të vetmen armë që ka në dorë, “Firmën” si kryetar i grupit parlamentar Enkelejd Alibeaj ka nisur të ndëshkojë përveç deputetëve që mbështesin kryedemokratin Sali Berisha edhe të besuarit e tij.
Pjesëmarrja në drekën e fundvitit ku pjesa më e madhe dy grupeve në PD u bashkua në një tryezë pas ftesës së deputetit Xhelal Mziu dhe kritikave që Jorida Tabaku shprehu pas përjashtimit të katër deputetëve nga Grupi Parlamentar, deputetja duket se është shndërruar një “halë në syrin” e Alibeajt.
Me një lëvizje surprizë ditën e sotme, “vulëmbajtësi” Alibeaj urdhëroi heqjen e koleges së tij nga roli si anëtare permanente e delegacionit Parlamentar në Asamblenë e Këshillit të Europës.
Dhe në vend të Tabakut, për llogari të opozitës shqiptare në KiE do të shkojë as më shumë e as më pak, por vetë Lulzim Basha, i cili mban të “karikuar” grupin Alibeaj dhe së fundmi është shfaqur më tepër në media duke u rikthyer aktiv.
Menjëherë pas vendimit Basha është nisur me nxitim në Strasburg, në një delegacion të drejtuar nga Blerina Gjylameti, me anëtare Klotilda Bushka dhe Etilda Gjonajn.
Edhe kryetarja e Kuvendit u kujdes që Këshilli i Europës ta bënte ndryshimin përpara mbledhjes së radhës së Asamblesë Parlamentare.
Sakaq, vendimi për t’i “treguar derën” Tabakut vjen vetëm pak kohë pasi Alibeaj falsifikoi vendimin e përjashtimit nga grupi parlamentar të deputetëve Belind Këlliçi, Agron Shehaj, Tritan Shehu dhe Oerd Bylykbashi.
Ndërkohë në mjedisin politik të Tiranës qarkullojnë zërat se gjatë pritjes së fundit në Presidencë, me rastin e dekorimit të Ëilliam Ëalker, ku nuk mungoi grupi Alibeaj-Basha, Jorida Tabaku u tregua e akullt me ish-kryetarin e PD dhe Alibeajn.
