Kreu i Partisë Demokratike në një konferencë për mediat u ndal tek çështja e arrestimit të ish-shefit të lartë të FBI-së, Charles McGonigal.
McGonigal u akuzua se ka punuar për një oligark rus në shkelje të sanksioneve amerikane të vendosura në lidhje me luftën e Rusisë kundër Ukrainës.
Berisha ka akuzuar kryeministrin Edi Rama si të përfshirë në ngjarje, duke shtuar se është zbuluar që Rama ka biseduar me McGonigal për investime ruse në Shqipëri.
Berisha: Edi Rama ka biseduar me McGonigal për investime ruse në Shqipëri, sipas të dhënave publike. Se imagjinoni se çfarë ka dosja në fshehtësi.
Nuk them se u takuan në Davos, por ai po kthehej në Europë. Ka rëndësi se Edi Rama, kur e denoncova në parlament këtë lidhje ruse të Edi Ramës, këtë lidhje me një aset të rrezikshëm, Edi Rama reagoi si vijon: Jam krenar me miqësinë që kam me të!
