Ish-ambasadori i Misionit Verifikues të OSBE-së në Kosovë, William Walker, është shprehur i pasigurt se presidenti serb Aleksandar Vuçiç do ta pranojë një ditë masakrën e ndodhur në Reçak.
Ish-ambasadori ka thënë se Vuçiç ishte pjesë e pushtetit të Millosheviçit, që është përgjegjës për masakrën.
Ai ka thënë se Vuçiç do të shkojë në varr duke e mohuar masakrën e Reçakut.
“Jam i sigurt se z. Vuçiç do të shkojë në varrin e tij duke mohuar Reçakun në mënyrën se si unë e kam përshkruar. 45 burra dhe djem, janë marrë nga fshati nën kërcënim të armëve dhe janë masakruar. Ky është krim lufte në vetvete. Në mënyrë të pamohueshme. Nuk e di për popullin serb se çfarë beson. por Qeveria në Beograd nëse vazhdon të jetë nën z.Vuçiç, që ishte përgjegjës si pjesë e Qeverisë së Millosheviqit, përgjegjës për atë çfarë ndodhi në Reçak, dyshoj se ndonjëherë do të ketë një sqarim të vërtetë se pse e bënë atë çfarë bënë në Reçak”, ka thënë ish-ambasadori Walker në KTV.
