Detaje të reja janë zbuluar në lidhje me ngjarjen e rëndë që ndodhi në Greqi ku një shqiptar 38-vjeçar dhunoi dhe vrau me armë zjarri një 47-vjeçar në zonën e Kalamatës, i njohur me nofkën ‘amerikani’.
Sipas mediave greke është zbuluar se 38-vjeçari i shpallur në kërkim quhet Izbi Çaushi, ndërsa 22-vjeçari që ndodhej me të gjatë vrasjes është identifikuar si Aleksandër Koto, shqiptar me pasaportë greke.
Nga detajet e zbuluara sot rezulton se mes shqiptarit dhe viktimës ka pasur një mosmarrëveshje në lidhje me kokainën, ndërsa 38-vjeçari mendohet se është arratisur nga një lokal ku ka marrë prej aty ushqime dhe veshje.
Autorët e përfshirë në vrasjen e “Gus”, pasi kanë dalë nga automjeti tip Opel Corsa të errët, njëri prej tyre 22-vjeçari shqiptar me pasaportë greke, e kishte qëlluar viktimën me grusht.
Për momentin nuk dihet nëse shqiptari ka dashur të vriste 47-vjeçarin apo e ka qëlluar në këmbë për shkak të kanosjes dhe plumbi ka goditur një arterie qendrore duke i shkaktuar gjakderdhje të madhe dhe më pas vdekjen.
