Vendi ynë prej ditësh është kapluar nga moti i keq, ku përmbytjet kanë bërë shumë dëme.
Për kryetarin e Bashkisë së Shkodrës, Bardh Spahia qeveria duhej të kishte shpallur prej kohësh gjendjen e fatkeqësisë natyrore, pasi shkatërrimet në zonën e Shkodrës janë të mëdha.
‘Kjo është një situatë që nuk dëmton vetëm tokën bujqësore, por ujërat kanë gërryer dhjetëra hektarë tokë që nuk rikuperohen më. Jemi përballur me dëme në banesa, kultura bujqësore dhe në ushqimin e bagëtive.
E gjithë kjo kërkon minimalisht shpalljen e gjendjes së fatkeqësisë natyrore. Por kjo situate nuk eshte shpallur, vetëm e vetëm që qeverisja qëndrore të mos bëjë dëmshpërblimin e qytetarëve’.
Në një lidhje direkte për Syri Tv,sipas Spahisë, nëse dëmet janë më poshtë se 8% të Bashkisë, dëmet i paguan bashkia, por sipas tij, ky dëm e kalon këtë shifër.
‘Përsa kohë janë poshtë 8% të buxhetit të bashkisë, i paguan bashkia. Por sipas përllogaritjeve tona ky dëm i kalon 8 % të bashkisë dhe duhet ti paguajë qeveria qëndrore’, theksoi Spahia.
