BE-ja ka rënë dakord të dërgojë 500 milionë euro ndihmë ushtarake në Ukrainë. Hungaria miratoi vendimin pasi kishte bllokuar më parë paketën, por sinjalizoi kundërshtinë ndaj më shumë sanksioneve dhe në veçanti ndaj atyre që do të kufizonin bashkëpunimin e saj me Moskën në energjinë bërthamore.
Paketa prej 500 milionë eurosh u miratua së bashku me 45 milionë euro të tjera për “pajisjet jovdekjeprurëse” për misionin e trajnimit ushtarak të BE-së për Ukrainën, thanë burimet për Reuters.
Më herët, ministri i jashtëm i Hungarisë Péter Szijjártó u shpreh se vendi i tij nuk do të bllokojë lëvizjen e BE-së.
